कोरोना काळात श्रीयुत प्रशांत अभ्यंकर यांच्या संस्थांद्वारे अंजनगाव सुर्जी आणि दर्यापूर तालुक्यातील अनेक गावांतील शाळा, पोलीस स्टेशन, आणि शासकीय कार्यालयांना सॅनिटायझर्स आणि फेस मास्कचे वाटप मोठ्या प्रमाणात केल्या गेले. करोंना आजाऱ्यांना औषधी, भोजन, ब्लँकेट वाटप एतयादी अत्यावश्यक सेवा पुरविल्या गेल्या.
अंजणगाव सुर्जी येथील ग्रामीण रुग्णालयाची स्वच्छतादेखील नियमित पणे केली जाते. त्यांच्या संस्थेमार्फत कापुसतळणी गावातही ग्रामिण रुग्णालय आणि आठवडी बाजाराची स्वच्छता देखील प्रभावीपणे राबवली जाते.

लोकसंत गाडगे महाराजांच्या ग्रामस्वच्छता अभियानाचा वारसा बाळगून कौसल्या श्रृंगारे एज्युकेशन फाऊंडेशनच्या माध्यमातून श्री. प्रशांत अभ्यंकर सीमा व ग्राम स्वच्छता कार्यक्रमांतर्गत विविध उपक्रम अविरतपणे राबवत आलेले आहेत .
खिरगव्हाण गावात ३०० झाडांची लागवड करून त्यांची देखभाल आणि स्वच्छता होत आहे. अनेक गावांतील आठवडी बाजारांची स्वच्छता देखील नियमित पणे केली जाते.

अंजनगाव सुर्जी येथे अंजनगाव सुर्जी-टाकरखेडा रस्त्यावर झाडांची लागवड आणि देखभाल गेली अनेक वर्ष सुरू आहे. विद्यानिकेतन शैक्षणिक संकुलात ५०० झाडांचे वृक्षारोपण झाले असून, त्या परिसरातील झाडांची देखभाल केली जात आहे. खिरगव्हाण परिसरात देखील ३०० झाडांची लागवड करून त्यांची देखभाल केली जात आहे.

नैसर्गिक शेती आणि कंपोस्ट खतांचे महत्व याबद्दल जागरुकता पसरवण्याचे  सुद्धा काम त्यांच्या संस्थेमार्फत अव्याहतपणे सुरू आहे.